Mae digwyddiad wedi'i drefnu i drafod Annibyniaeth a'r Comisiwn Annibyniaeth.
Bydd digwyddiad Plaid Cymru Arfon yn cael ei gynnal ddydd Gwener (04.12.20) am 19:00 PM, ac mae'n cynnwys siaradwyr gwadd o'r Comisiwn Annibyniaeth a YesCymru, yr ymgyrch dros Gymru annibynnol.
Sefydlwyd y comisiwn annibyniaeth yn dilyn Etholiad Cyffredinol y DU ym mis Rhagfyr 2019, a hynny er mwyn cynhyrchu argymhellion ar ffyrdd y dylai Llywodraeth Cymru dan arweiniad Plaid Cymru baratoi ar gyfer cynnal refferendwm ar annibyniaeth.
Ymhlith y siaradwyr yn y digwyddiad mae Elfyn Llwyd, cyn fargyfreithiwr ac Aelod Seneddol dros Ddwyfor Meirionnydd, Dr Einir Young, Cyfarwyddwr Cynaliadwyedd ym Mhrifysgol Bangor, a Siôn Jobbins, Cadeirydd Yes Cymru.
Cynhelir y digwyddiad wedi i YesCymru gyrraedd dros 15,000 o aelodau ym mis Tachwedd.
Mae trefnwyr y digwyddiad wedi pwysleisio nad oes angen i'r mynychwyr fod yn aelodau o YesCymru na Phlaid Cymru.
Dangos 1 ymateb
Mewngofnodi gyda
Mewngofnodi gyda Facebook Mewngofnodi gyda Twitter