Arllechwedd
Dafydd Meurig
Mae Dafydd yn cynrychioli Abergwyngregyn, Llandygai, Llanllechid, Talybont a Thy'n y Maes fel rhan o ward Arllechwedd. Roedd Dafydd yn allweddol wrth sicrhau cynlluniau atal llifogydd ar gyfer Talybont a thai Tanylôn yn dilyn llifogydd mawr 2012 a 2015, ac yn ddiweddar mae wedi bod yn Gadeirydd Partneriaeth Ogwen, yn un o sylfaenwyr Ynni Ogwen a llywodraethwr yn Ysgol Llandygai.
Bethel a'r Felinheli
Sasha Williams ac Iwan Huws
Yn 2022, crewyd ward newydd Bethel a'r Felinheli drwy uno'r ddau bentref i greu un ward gyda dau gynghorydd.
Mae Sasha wedi bod yn gyfrifol am gynnal Clwb Ti a Fi Bethel, mae'n gyn-ysgrifenyddes a Chadeirydd Cylch Meithrin Bethel, Llywodraethwr yn Ysgol Gynradd Bethel, aelod o Gyngor Plwyf Llanddeiniolen, Ysgrifennydd Dawns i Eisteddfod Bethel, ac yn Drysorydd i Glwb Pêl-droed Bethel. Iwan yw Cadeirydd Cyngor Cymuned Y Felinheli.
Bontnewydd
Menna Jones
Menna Jones yw cynghorydd Plaid Cymru dros ward Bontnewydd ac mae'n byw yng Nghaeathro efo Tudur, ei phartner, a'i dau o blant bach. Yn 2022, penodwyd Menna yn Aelod Cabinet dros Gefnogaeth Gorfforaethol.
Cadnant
Dawn Lynne Jones
Mae Dawn Lynne Jones yn gynghorydd Plaid Cymru dros ward Cadnant yn nhref Caernarfon ers 2022. Yn ogystal â hynny bu'n gydlynydd ward Cadnant ar grŵp Cofis Curo Corona, mae wedi cyd-weithio gyda chriw Porthi Pawb, mae'n un o gyd-sefydlwyr prosiect O Law i Law, mae'n drysorydd grŵp cymunedol Llygaid Maesincla, Is-Gadeirydd Llywodraethwyr Ysgol Maesincla, ac aelod o grŵp Carnifal Caernarfon.
Canol Bangor
Huw Wyn Jones a Medwyn Hughes
Mae Canol Bangor yn ward dau aelod, ac mae Huw Wyn Jones a Medwyn Hughes yn cynrychioli'r ward ar ran Plaid Cymru.
Ymhlith rhai o lwyddiannau'r ddau mae:
- Cefnogi'r ymgyrch leol i lesteirio’r cynlluniau i godi fflatiau anferth ar lannau Bae Hirael.
- Gweithio mewn partneriaeth â thrigolion lleol a Heddlu Gogledd Cymru i fynd i'r afael ag achosion o ddelio cyffuriau yng Nghaeau Ashley a’r Gwersyll Rhufeinig.
- Ffocws ar safle Ysgol Glanadda, a grant sylweddol i wella'r adeilad ar gyfer symud Ysgol Ein Harglwyddes i'r safle yn 2024.
- Tai newydd angenrheidiol i bobl leol ar Ffordd Euston.
- Llawer o welliannau i'r cae chwarae yn Heol Dewi.
- Goleuadau mwy llachar o dan Bont y Rheilffordd.
- Gwaith ail-wynebu sylweddol ar Hendrewen, Tan y Maes, Ger Nant, Ffordd Ainon, palmentydd Penchwintan, maes parcio Cae'r Deon a Donkey Lane.
Canol Bethesda
Rheinallt Puw
Mae Rheinallt yn cynrycholi rhan o Fethesda ers 2017. Mae'n angerddol dros sicrhau tegwch i deuluoedd ac unigolion ac mae'n llwyddo i gefnogi nifer yn yr ardal. Mae'n falch bod ei waith yn pwyso am dai yn ei ward wedi dwyn ffrwyth.
Canol Tref Caernarfon
Cai Larsen
Rhwng 2017 a 2022 roedd Cai yn cynrychioli ward Seiont ar gynghorau Gwynedd a Chaernarfon. Ers 2022 mae'n cynrychioli ward newydd Canol Tref Caernarfon.
Bu'n Gadeirydd Porthi Dre Cyf. – y cwmni sy’n gyfrifol am siop O Law i Law yn Stryd Llyn a nifer o gynlluniau eraill. Ef hefyd oedd un o sylfaenwyr grŵp Cofis Curo Corona – grŵp oedd yn cefnogi pobl fregus yn ystod y cyfnod clo. Yn ogystal â hynny mae wedi gwirfoddoli ar gynllun Fareshare – cynllun rhannu bwyd dros ben o archfarchnadoedd, wedi eistedd fel Llywodraethwr Ysgol yr Hendre ac Ysgol Syr Hugh Owen, yn ogystal ag Eistedd ar Fwrdd Rheoli Adra.
Cwm y Glo
Berwyn Parry Jones
Mae Berwyn yn cynrychioli ward Cwm-y-glo ers 2017. Yn 2022 fe'i penodwyd yn Aelod Cabinet dros Briffyrdd a Bwrdeistrefol ac Ymgynghoriaeth Gwynedd.
Yn ystod ei gyfnod fel cynghorydd mae wedi:
- Gweithio i sicrhau bod adeilad Ysgol Cwm y Glo yn cael ei drosglwyddo i Fenter Fachwen.
- Sicrhau uwchraddio'r llwybr troed o Gwm y Glo i Lanrug i fod yn llwybr aml bwrpas gyda goleuadau ar ei hyd.
- Sicrhau cylchfan ger Brynrefail.
- Cynrychioli'r Cyngor ar Fwrdd Adra.
- Eistedd fel aelod o Gyngor Cymuned Llanrug.
- Gwirfoddoli ar gynllun bwyd Fareshare y Cyngor Cymuned.
- Eistedd ar fyrddau Menter Fachwen a chwmni Byw’n Iach.
- Eistedd fel Llywodraethwr yn Ysgol Gynradd Llanrug
- Bod yn gadeirydd Llywodraethwyr Ysgol Brynrefail
Deiniolen
Elfed Wyn Williams
Mae Elfed yn cynrychioli bro ei febyd ar y Cyngor ers 2012.
Mae wedi:
- Gwella diogelwch y tu allan i Ysgol Gwaun Gynfi: yn cynnwys gosod tri set o oleuadau arafu traffig, arwyddion newydd a chyflymder gorfodol o 20 m.y.a.
- Chwarae rhan flaenllaw wrth sicrhau ymweliadau wythnosol gan y Post Symudol.
- Arwain y gwaith o adfer canolfan Tŷ Elidir a’i ddychwelyd i ddefnydd y gymuned yn 2014.
- Sicrhau llawer o waith adfer a thrwsio i ffyrdd, pontydd a llwybrau’r ardal yn sgil llifogydd 2012.
- Eistedd fel Aelod o’r Pwyllgor Diffibriliwr – sicrhau ‘diffib’ yn Garej Arfon, Tŷ Elidir, Caffi Lodge Dinorwig a Garej Beran.
Dewi
Gareth Roberts
Mae Gareth yn cynrychioli ward Dewi ym Mangor ers 2015. Cliciwch yma i ddysgu mwy am Gareth,
Faenol
Menna Baines
Bu Menna yn cynrychioli ward Pentir ar Gyngor Gwynedd rhwng 2017 a Mai 2022, ac ers hynny mae'n cynrychioli ward y Faenol.
Mwy am Menna:
- Adfer rhan o wasanaeth bws pentref Glasinfryn yn dilyn toriadau.
- Helpu pobl i gael tai cymdeithasol.
- Bod yn rhan o ymgyrch lwyddiannus i rwystro datblygiad tai enfawr ac anaddas mewn ward gyfagos.
- Helpu i ddatrys problemau yn stad Goetre Uchaf, Penrhosgarnedd.
- Dosbarthu pecynnau bwyd am ddim a helpu unigolion yn ystod y pandemig.
- Rhoi cefnogaeth allweddol i sefydlu deintyddfa newydd ym Mharc Menai sy’n cyflogi pedwar o bobl hyd yma
Gwaith yn y Gymuned:
- Eistedd ar y Pwyllgor Craffu Gofal, Panel Maethu, Cyd-bwyllgor Ymgynghorol Lleol a CYSAG (Cyngor Gwynedd).
- Cadeirydd Fforwm Ardal Bangor Ogwen (cadeirydd).
- Llywodraethwr Ysgol y Faenol ac Ysgol Tryfan.
- Aelod o Gyngor Cymuned Pentir.
- Cadeirydd pwyllgor Canolfan Penrhosgarnedd.
- Aelod o fwrdd golygyddol papur bro’r Goriad.
- Aelod o bwyllgor Menter Iaith Bangor.
Gerlan
Einir Wyn Williams
Mae Einir wedi bod yn Gynghorydd Cymuned ac yn Gadeirydd ar y Cyngor. Mae'n cynrychioli ward Gerlan yn Nyffryn Ogwen ers 2022.
Mwy am Einir:
- Cynghorydd Cymuned Bethesda.
- Llywodraethwr Ysgolion Abercaseg a Phenybryn.
- Aelod gweithgar o bwyllgorau: Cylch Meithrin Cefnfaes, Neuadd Ogwen, Bwrlwm Haf, Yes Cymru Bethesda.
Glyder
Elin Walker Jones
Mae Elin yn gynghorydd sir a dinas Bangor dros ward Glyder ers dros ddegawd. Yn 2022 fe'i penodwyd yn Aelod Cabinet dros Blant a Theuluoedd.
Mwy am Elin:
- Un o sylfaenwyr Parkrun Penrhyn.
- Cefnogi cymuned Maestryfan i uwchraddio’r cae chwarae a chreu gardd gymunedol.
- Brwydro am adeilad newydd Ysgol y Garnedd.
- Sicrhau llwybr cerdded newydd rhwng Ffordd Eithinog a Bryn Eithinog a chylchfan ar waelod Lôn y Bryn i liniaru’r traffig ysgol.
- Cefnogi Adra i adeiladu fflatiau Llys Elidir yn y ward.
- Mabwysiadu cynigion ar Incwm Sylfaenol Cyffredinol a Chyngor Di-Blastig, ymysg eraill.
- Cynnal ymgyrchoedd casglu sbwriel.
Groeslon
Llio Elenid Owen
Mae Llio yn dod o’r Groeslon ac yn gyn-ddisgybl yn Ysgol y Groeslon ac Ysgol Dyffryn Nantlle. Mae ganddi radd mewn Cymraeg a Hanes o Brifysgol Aberystwyth a gradd meistr Hanes Cymru o Brifysgol Bangor.
Mae Llio'n wirfoddolwr cymunedol yn Yr Orsaf a chyda Ffrindiau Groeslon.
Mae'n gynghorydd dros ward y Groeslon ers 2022.
Llanberis
Kim Jones
Mae Kim yn byw yng nghalon ei chymuned, ac yn rhan o amryw o gynlluniau a gweithgareddau yn y pentref.
Mwy am Kim:
- Gwirfoddoli ar y Cynllun Cinio Dydd Sul.
- Gwirfoddoli gyda Chynllun Cyfaill y Cyngor Cymuned.
- Cynghorydd Cymuned a Sir.
- Ysgrifenyddes Clwb Pel-Droed Llanberis.
- Aelod o Bwyllgor y Ganolfan a Ras y Plant.
Llanrug
Beca Brown
Etholwyd Beca yn gynghorydd Plaid Cymru dros ward Llanrug mewn is-etholiad yn 2021. Yn 2022 fe'i penodwyd yn Aelod Cabinet dros Addysg.
Mwy am Beca:
- Cynghorydd Sir a Chymuned Llanrug.
- Llywodraethwr Ysgol Gynradd Llanrug ac Ysgol Brynrefail.
- Aelod o bwyllgor craffu gofal a phwyllgor iaith Cyngor Gwynedd.
- Gwirfoddoli ar brosiectau bwyd yr ardal, y cynllun cinio dydd Sul, pecynnau bwyd a rhoddion FareShare.
Llanwnda
Huw Rowlands
Huw Rowlands yw cynghorydd Plaid Cymru dros ward Llanwnda. Mae Huw yn byw yn Dolydd ers 10 mlynedd ac mae'n gyn-gadeirydd ac aelod presennol o Gyngor Cymuned Llanwnda.
Menai
Ioan Thomas
Ioan Thomas yw cynghorydd Plaid Cymru dros ward Menai ar Gyngor Gwynedd, a'r aelod Cabinet dros Gyllid.
Mwy am Ioan:
- Ymddiredolwr a chyn Gadeirydd Ymddiredolaeth yr Harbwr.
- Cyfarwyddwr Galeri - yn ystod y datblygiad gwreiddiol a'r estyniad sy'n cynnwys sinemâu.
- Llywodraethwr Ysgol y Gelli.
- Llywodraethwr Ysgol Syr Hugh Owen.
- Aelod gweithgar o Grŵp Cymunedol Twthill.
Peblig
Dewi Wyn Jones
Mae Dewi Wyn Jones yn hogyn o Gaernarfon ac yn gynghorydd Plaid Cymru dros ward Peblig yn y dref.
Mwy am Dewi:
- Gwirfoddolwr yn ystod Covid: casglu presgripsiwns, siopa bwyd ac ati.
- Athro ysgol a chyn-weithiwr ieuenctid.
- Gweithgar yn lleol - yn trefnu sesiynau casglu sbwriel a gwirfoddoli mewn digwyddiadau.
Penygroes
Craig ab Iago
Craig ab Iago yw cynghorydd Plaid Cymru dros ward Penygroes.
Mwy am Craig:
- Aelod Cabinet Tai Gwynedd.
- Llywodraethwr Ysgol Dyffryn Nantlle.
- Llywodraethwr Ysgol Baladeulyn.
- Cyn lywodraethwr Ysgol Llanllyfni
- Cyn lywodraethwr Ysgol Nebo.
- Cadeirydd Llys Llywelyn Nantlle.
- Aelod o bwyllgor CaeFfest.
- Cyn aelod o Fwrdd Antur Nantlle a Siop Griffiths.
- Cyn sefydlydd Gyfarwyddwr Bragdy Bro Lleu.
Rachub
Paul Rowlinson
Paul Rowlinson yw cynghorydd Plaid Cymru dros ward Rachub, sy'n cyfuno'r pentref ei hun a rhannau o Fethesda.
Mwy am Paul:
- Byw yn Rachub ers 22 mlynedd.
- Cynghorydd Sir ers 2017.
- Ysgrifennydd Balchder Bro Ogwen.
- Cadeirydd Llywodraethwyr Ysgol Dyffryn Ogwen.
- Aelod Llywodraethwyr Ysgol Llanllechid.
- Aelod Llywodraethwyr Cylch Meithrin Cefnfaes.
- Aelod o Fwrdd Ynni Ogwen.
- Cyn-gadeirydd Partneriaeth Ogwen.
- Gwirfoddolwr Cyfnod Covid.
- Gwirfoddolwr brechu Covid-19.
- Aelod o Gyngor Iechyd Cymuned Gogledd Cymru.
- Cadeirydd Bugeiliaid Stryd Bangor.
Tregarth a Mynydd Llandygai
Beca Roberts
Mae Beca yn gynghorydd dros ward Tregarth a Mynydd Llandygai. Mae wedi ei geni a'i magu yn Nhregarth ac wedi mynychu ysgolion Tregarth a Dyffryn Ogwen. Mae hi wedi gweithio i Bartneriaeth Ogwen yn y gorffennol ac yn frwd iawn dros hyrwyddo gweithredu cymunedol.
Tryfan
Arwyn 'Herald' Roberts
Arwyn Herald yw cynghorydd Plaid Cymru dros ward Tryfan, sy'n cynrychioli pentrefi Rhosgadfan, Y Fron a Charmel.
Mwy am Arwyn:
- Gweithio gyda'r Herald a'r Daily Post am 45 mlynedd.
- Cyn-lywodraethwr Ysgol Rhosgadfan am 10 mlynedd.
- Sefydlydd a chyn-gadeirydd Gŵyl Fai Dyffryn Nantlle.
- Cyn-ysgrifennydd Clwb Pêl Droed Nantlle Vale.
- Trysorydd Clwb Pêl Droed Mountain Rangers.
Waunfawr
Edgar Owen
Mae Edgar yn byw yn Waunfawr ers dros 40 mlynedd, yn Gynghorydd Cymuned ers bron i 40 mlynedd, ac yn Gynghorydd Sir ers 2017.
Mwy am Edgar:
- Llywodraethwr Ysgol Waunfawr.
- Llywodraethwr Ysgol Brynrefail.
- Sicrhau £25,000 o grantiau i bwyllgor Canolfan Waunfawr.
Cefnogi Sefydliadau'r Ardal:
Mae Edgar wedi cefnogi 11 o sefydliadau lleol, yn ystod y flwyddyn ddiwethaf, trwy ddosbarthu £3000 i’w cefnogi
- Clwb Pêl Droed Waunfawr
- Y Cylch Meithrin
- Y Clwb ar ôl ysgol
- Ysgol Waunfawr
- Cangen leol yr Urdd
- Mynwent Caeathro
- Cae Chwarae Caeathro
- Diffibrilydd Betws Garmon
- Clwb Snwcer Waunfawr
- Cangen Merched y Wawr
- Clwb Bowlio Waunfawr
Dangos 1 ymateb
Mewngofnodi gyda
Mewngofnodi gyda Facebook Mewngofnodi gyda Twitter