Plaid Cymru Arfon Sefyll dros pobl Arfon

Mae Sian Gwenllian AC yn annog elusennau lleol a grwpiau cymunedol yn Arfon i roi cais i gronfa Loteri Côd Post y Bobl. Mae cyfle i geisio am rhwng £500 a £20,000 o’r gronfa. Arian sydd wedi ei godi gan chwaraewyr Loteri Côd Post yw hwn.

Heddiw yn y Senedd mae Aelod Cynulliad Arfon Siân Gwenllian wedi cwestiynu’r Prif Weinidog Carwyn Jones am ymdrechion ei lywodraeth i fynd i’r afael a’r broblem digartrefedd yn Arfon

Diolchodd y Cynghorydd Menna Baines, Pentir i’r trigolion lleol fynychodd gyfarfod cyhoeddus i drafod problemau traffig ym mhentref Glasinfryn, ger Bangor yn ddiweddar.

Mae ymgyrchwyr wedi croesawu ymrwymiad gan Lywodraeth Cymru fod gwaith i leddfu sŵn traffig o’r A55 ger pentref Abergwyngregyn wedi cael sel bendith ar ôl blynyddoedd o ymgyrchu.

Mae Aelod Seneddol Plaid Cymru Arfon Hywel Williams a’r Aelod Cynulliad Siân Gwenllian wedi cynnal cyfarfod brys gyda Chyngor Gwynedd er mwyn lleisio pryderon etholwyr ynghylch newidiadau i amserlen gwasanaethau bysiau lleol.

Mae AC Plaid Cymru Arfon yn mynegi ei phryder am gynlluniau’r Llywodraeth Lafur yng Nghymru i gau ei swyddfa yng Nghaernafon yn ddiweddarach eleni (2018). Mae ffigyrau gan Blaid Cymru yn dangos bod Caernarfon wedi colli 42.8% o’i swyddi Llywodraeth Cymru ers 2010.

Ydych chi’n fenyw ifanc rhwng 16 a 25 oed? Ydych chi erioed wedi ystyried sut mae penderfyniadau am iechyd, addysg a threchu tlodi yn cael eu gwneud yng Nghymru? Mae Chwarae Teg, elusen sy’n ymwneud a chydraddoldeb rhywiol, yn gwahodd menywod ifanc o Gymru i gymryd rhan yn eu prosiect newydd, LeadHerShip , ac mae AC Arfon, Sian Gwenllian, wedi cytuno i gymryd rhan.

Dyma’r ail flwyddyn i Plaid Cymru Arfon gynnal ymgyrch y Calendr Adfent Tu Chwith, sef cynllun sy’n annog pobl i roi i’r anghennus bob dydd yn y cyfnod sy’n arwain at y Nadolig. Y syniad ydi bod pobl yn rhoi un eitem o fwyd mewn bocs bob dydd yn ystod yr adfent, ac yna yn ei gyflwyno i’w banc bwyd lleol cyn y Nadolig. Er mwyn hwyluso hynny mae Plaid Cymru Arfon wedi gwneud eu swyddfa nhw yn fan casglu i bobl ddod a’u nwyddau, ac mae aelodau a chynghorwyr y Blaid yn Arfon wedi bod yn casglu o gartrefi hefyd. Cyflwynwyd yr holl nwyddau i fanciau bwyd Caernarfon a Bangor ar y dydd Gwener cyn y Nadolig gan Sian Gwenllian AC a Hywel Williams AS.

Mae menter gymunedol ar stad Ysgubor Goch, Caernafon gam yn nes at fedru agor ei drysau ar ol i gwmni nwy Wales and West Utilities wneud gwaith – a hynny i gyd am ddim – er mwyn darparu cyflenwad nwy i’r cynllun. Yr wythnos hon daeth cynrychiolwyr o’r cwmni draw i Ysgubor Goch Caernarfon i gwrdd a rheolwr y fenter, Kenny Khan a’r Aelod Cynulliad lleol Sian Gwenllian.

Mae Plaid Cymru wedi sicrhau rhyddhad ardrethi busnes i brosiectau hydro bychan a fu’n wynebu cynnydd o hyd at 900% yn eu hardrethi.
Mae hyn yn dilyn ymgyrch faith gan Blaid Cymru i sicrhau tegwch i brosiectau hydro oedd yn dioddef yn anghymesur o ail-brisio ardrethi annomestig.